ఇగో ...!

 ఆది  మధ్యాంతాలు లేనిదనుకున్నా   

మన ప్రేమకు అంతమొచ్చింది

ఆకు చివరి నీటి చుక్క ఆగలేనట్టు

ఒడ్డుకొచ్చిన అల వెనక్కెళ్ళినట్టు

నా ఆర్థిక స్వాతంత్ర్యపు గొడుగు కింద

నిటారుగా నిలుచున్నా

నిలువ నిముషం లేని జీవితంలో

ఒంటరిగా ,నీరవ నిశ్సబ్దంగా

చీకటి నీటిలో చంద్రుని ప్రతి ఫలనంలా

నిన్ను నాలో చూస్తూ

అహంకారం ఘాటుతో విరిగిన

మనసు ముక్కల్ని ఏరుకుంటున్నా

దొర్లడానికి కావలసినంత పక్క దొరికాక

నువ్వెవడివన్న ధిక్కారానికి

నువ్వెవరివనే సమాధానం వచ్చేసింది

గాయపరచిన నీ మాటల్లో

ప్రేమాసూయ ప్రియంగా స్పర్సిస్తుంది

ఒందల కాల్ ల జీవితంలో

నా కోసం ఒక్క పిలుపూ లేక పోయాక

నువ్వు పెట్టే నీ చేతి ముద్దల

నాలుక ముద్దుల లేమి తెలిశాక

పెట్టి పోషించడం లేదని ఇక అనగలనా

డియర్ ఎక్స్టసీ

నాకిప్పుడో ముసలమ్మ కావాలి

నాలుగు దెబ్బలు వేసైనా

నన్ను నీతో కలిపేందుకు .

ఆది వారం ఆంద్ర జ్యోతి 2006, జనవరి 29.