దైవం మారునా ...!

ఈ పాటని మొదటి సారి ఆరో తరగతిలో అనుకుంటా విన్నాను . పాట మాధుర్యం కంటే ఇందులో వున్న సాహిత్యం నాకు ఎక్కువ ఇష్టం .ముఖ్యంగా ''ఏ సిరులెందుకు ఏ నిధులెందుకు ఏ సౌఖ్యములెందుకు ఆత్మ శాంతి లేనిదే ...''లైన్స్ ఇష్టం.  ఆత్మ శాంతి అనేది చాలా పెద్ద మాట  అందు  బదులుగా ఆనందం అని చిన్న మాట వాడేసి వుంటే ఈ సరలళతకి ఇంకా అందం వచ్చేదేమో .

ఒక సారి హాస్టల్ లో వున్నపుడు ఒకమ్మాయి రూమ్లో ఒక పోస్టర్ చూసాను . యదాతదంగా   జ్ఞాపకం లేదు కానీ ఒకతని వెంట భగవంతుడు ఎప్పుడూ నడుస్తూ ఉంటాడు .దేవుని పాద ముద్రలు అతనికి కనిపిస్తూ వుంటాయి .ఒక సారి అతనికి గొప్ప కష్టం వస్తుంది . అప్పుడు దేవుని పద ముద్రలు కనిపించవు అతను  కినుకు పడి నాకు కష్టం వచ్చినప్పుడు నువ్వు లేవు అని అలుగుతాడు . అప్పుడు దేవుడు అంటాడు నువ్వు చూసింది నా అడుగుల గుర్తులు ఎందుకంటె నువ్వపుడు నా చేతుల్లో వున్నావు అని . నిజం కదా దైవమంటే యుక్తాయుక్త విచక్షణ కలిగి ,కష్టాలలో కూడా మంచిని విడిచి పెట్టని వ్యక్తే నని నా అభిప్రాయం . అలాటి మనుషులే కాలక్రమాన దైవాలవుతారు .

ఏ విధి మారినా వారు మారరు . 

                                    

నీ మది చల్లగా స్వామి నిదురపో 
దేవుని నీడలొ వేదన మరచిపో 
నీ మది చల్లగా ...

ఏ సిరులెందుకు ఏ నిధులెందుకు 
ఏ సౌఖ్యములెందుకు ఆత్మ శాంతి లేనిదే 
మనిషి బ్రతుకు నరకమవును మనసు తనది కానిదే

చీకటి ముసిరినా వేకువ ఆగునా 
ఏ విధి మారినా దైవం మారునా 
కలిమిలోన లేమిలోన 
పరమాత్ముని తలచుకో 

జానకి సహనము రాముని సుగుణము 
ఏ యుగమైనను ఇలకే ఆదర్శము 
వారి దారి లోన నడచు వారి జన్మ ధన్యము

నీ మది చల్లగా స్వామి నిదురపో 
దేవుని నీడలొ వేదన మరచిపో 
నీ మది చల్లగా ...